Maisog nga ginsiling sang isa ka kongresista nagikan sa Maynila nga indi baganihan ukon Diyos si anay Pangulong Rodrigo Duterte kag ginsiling nga wala ini sang ikasarang agud i-abswelto ang mga corrupt nga pulis may kaangtanan sa extrajudicial killings sa idalum sang iya kampanya kontra droga.
Suno kay Valeriano kinahanglan nga ipatuman ang layi kag pasabton ang mga may sala, sila man ang principals, conspirators, accomplices, ukon accessories sa krimen.
Punto sini nga indi ang anay Pangulo ang mgadetermina kung sino ang may mga sala sa iya brutal nga war on drugs.
Grandstanding ukon pagpabida lang ini suno diri ni Duterte nga akuon ang iya responsibilidad sa mga krimen nga nahimo sang kapulisan nga nagsunod sa iya mandato nga batuan ang mga suspek agud mapatay nila ang mga ini.
Ginhatagan man sini sang pagtamod nga ginabantayan sang House Quad Comm ang promise sang anay lider nga magtambong ini sa pagsinapol.
Dugang pa sini nga ang Kamara may yara sang kaugalingon nga sets of questions agud imbestigahan ang kamatuuran sa likod sang madugo nga war on drugs.
Mangin ang findings sang Kamara sa ila pagsinapol ila man nga igasumite sa DOJ.
Sa karun wala pa sang pending criminal cases batuk sa anay Pangulo apang may pending charges ini sa International Criminal Court.
Mahimo suno diri nga magpanguna na ang DOJ ukon Office of the Ombudsman sa pagtumod sa probable cause kag itugyan sa korte nga hibaluon kung guilty ini.
Samtang, may mga pahayag nga magapaguha na sang
warrant of arrest ang ICC batuk kay Duterte kag sa mga nagapanguna nga nagapatuman sang madugo nga giyera kontra droga, kalakip na si anay PNP chief kag karun Sen. Ronald “Bato” dela Rosa.
