Sa una nga kahigayunan nagtambong sa hearing sang Quad Committee sang Kamara de Representantes sanday anay PTFoms Director Paul Gutierrez kag anay National Irrigation Administration OIC Administrator Benny Antiporda.
Ini ang halos tatlo ka bulan sumugod sang sila ang gin-ulamid ni anay Customs intelligence officer Jimmy Guban sa kontrobersyal nga 2018 shabu importation mess.
Sa nangin salaysay ni Guban sadto, gintumod niya si Gutierrez bilang ‘assistant’ ni Antiporda kag ginpadala siya bilang kinatawan agud pahanumduman siya batuk sa pag-ulamid sa pangalan nanday Davao City 1st District Rep. Paolo Duterte, Atty. Mans Carpio, kag negosyante si Michael Yang kaangut sang 2018 shabu shipment.
Sa ika-napulo nga hearing sang Quad comm, liwat nga naungkat ang pagbisita sadto ni Gutierrez kay Guban sadtong siya ang nadetine bangud sa pagpamakak niya sa nangin hearing sang Senado.
Apisar , wala naman ginapilit nga magsabat ang mga ini, ginpa-agi ni Antipolo 2nd District Cong. Romeo Acop kun ngaman kinahanglan bisitahon ni Gutierrez si Guban samtang ginaserbe sang ulihi ang iya ngaa contempt order.
