Gin-anunsiyo ni anay tennis world number one kag two-time Grand Slam winner Simona Halep ang iya nga pagretiro.
Ginhimo sini ang anunsiyo matapos ang kalutusan sini sa first round sang Transylvania Open batuk kay Lucia Bronzetti sang Italy.
Ginpahayag sang 33-anyos nga Romanian tennis star nga wala na sini nasarangan ang injury sa iya nga tuhod kag butkon.
Magkahalo nga kasubo kag kasadya ang nabatyagan sini bangud apisar nga gusto pa niya nga maghampang, mahina na sa karon ang iya lawas bangud sa mga injury.
Nagpasalamat na lamang ini bangud sa nangin world number 1 na siya kag nakakuha pa sang Grand Slam.
Napaslawan sang tatlo ka Grand Slam Finals si Halep tubtob nga maangkon ang una nga major sa French Open sadtong 2018 kag nagdaog sang Wimbledon sa masunod nga tuig.
Sadtong Oktubre 2022, na-suspend ini bangud sa pagpositibo sa roxadustat isa ka ginadumilian nga droga nga nagapabaskog sa paghimo sang red blood cells sa US Open.
Bangud sa insidente, ginpapanaugan ini sang apat ka tuig nga ban tubtob sa nabuhinan kag nangin siyam ka bulan na lamang matapos nga aprubahan ang iya nga apelar.
