MANILA, Philippines – Gin-athag ni Executive Secretary Ralph Recto nga ang pagtinguha sang Pilipinas makaganyat sang dugang nga American Investment sa semiconductors, electronics, kag critical minerals sa bulig sang administrasyon ni Presidente Ferdinand Marcos Jr., nga may tinutuyo nga mapauswag ang high-value manufacturing kag mapabakod ang papel sang pungsod sa global supply chains.
Ang dugang nga investments nagikan sa company sang Estados Unidos isa sa ginatan-aw nga mapauswag ang high-value manufacturing kag mapabakod ang papel sang pungsod sa global supply chains.
Suno kay Executive Secretary Ralph Recto, gin-engganyo sang gobyerno ang kompanya sang Estados Unidos nga magtukod sang ila operasyon sa Pilipinas, ilabi na sa advanced semiconductor packaging, integrated circuit design, research and development kag critical-mineral processing.
Pahayag pa ni Recto, luyag sang gobyerno nga indi lamang capital ang dal-on sang American companies kundi lakip man ang technology research kag training para sa tagsa ka Pilipino.
Dugang pa niya, isa sa ginatan-aw nga oportunidad amo ang Pax Silica partnership nga mahimo mangin dalan para sa pagpasulod sang technology, capital kag skills training sa pungsod.
Kabahin man sa investment pitch sang gobyerno ang Luzon Economic Corridor nga maga -connect sa Subic, Clark, Manila, Batangas kag ginapaabot nga mahimo maghatag sang kapin sa isa ka million nga trabaho.
Samtang, ginkilala ni Executive Secretary nga kinahanglan anay sulbaron sang gobyerno ang concern may kaangtanan sa cost kag ease of doing business, lakip ang permitting procedures, regulatory uncertainty, infrastructure kag pagkabaton sang skilled workforce.
Sa karon ginpanawagan niya sa mga American investors nga ipahibalo sa gobyerno ang mga problema nga nagapugong sa ila investments agud ini mabuligan nga masulbar, samtang nagapakig kompetensya ang Pilipinas sa iban nga pungsod para sa foreign capital.
