Ginaduso ni Makati Representative Luis Campos Jr., nga maamyendaran ang National Internal Revenue Code (NIRC) para maidugang sa mga exempted sa taxable income ang night shift differential pay.
Bayad ini sa pag-ubra sa pag-ubra sang halin alas-10:00 sang gab i tubtob alas-6:00 sang aga nga katumbas sang 10% nga hourly pay sang mga empleyado nga sa karon ang ginpamatbatan sang tax ilabi na kun nagadangat sa P250,000 ang kabug-usan nga sweldo sa isa ka tuig.
Dugang pa ni Campos, ang gin-file sini nga House Bill 10534, nagatuyo nga mahatag sang bilog sa mga empleyado ang night shift differential pay sang mga ini nga sigurado man nga makabulig sa tunga sang mataas nga presyo sang mga balaklon sa subong nga tyempo.
1.7 million naman ka mga empleyado sa business process outsourcing (BPO) ang pinakauna nga makabenepisyo sa nasambit nga Bill, subong man ang mga empleyado nga naga-ubra sa mga establisyimento nga bukas 24 oras kasubong sang ospital, convenient stores kagfast food chains.
