Nagtakop sa draw ang exhibition fight ni Pinoy boxing champion Manny Pacquiao kay Rukiya Anpo sang Japan.
Ang hampang ang ginpatigayon sa idalom sang istrikto nga boxing rules nga ginhiwat sa Saitama, Japan.
Apisar wala sang judges, medyo nabudlayan ang 45-anyos nga si Pacquiao agud dominahon ang 28-anyos nga mixed martial artist.
Ang anay kickboxer nga si Anpo ang una na nga gin-warningan nga magabayad sang $5 milyon nga multa kun maggamit ini sang non-boxing moves.
Sa ulihi nga round, nagpaulan ang duwa sang inumol kun sa diin nag-atras pa ang anay senador.
Aminado si Pacquiao nga nabudlayan siya nga patumbahon si Anpo bangud sa kataason sini.
Matandaan nga una na ginpahayag ni Pacquiao nga plano sini magbalik sa professional boxing.
Ulihi nga hampang sini sadtong 2021 sang ginluntos siya ni Cuban boxer Yordenis Ugas sa Las Vegas.
