Nagapati ang isa ka abogado nga importante ang expertise kag competence sang isa ka witness sa nagapadayon nga impeachment trial ni Vice President Sara Duterte.
Sa interview sang Bombo Radyo kay Atty. Rodel Taton, Dean sang Graduate School of Law sang San Sebastian College–Recoletos sa Manila, iya ginpahayag nga kinahanglan may nagakaangay nga qualifications kag credentials ang isa ka witness, ilabi na kon siya ang magapamatuod sa pag-authenticate sang video ukon iban pa nga digital evidence.
Suno kay Taton, ini ang magahatag sang kredibilidad sa testimonya sang witness kag makabulig nga mabaton ang ebidensya sa proseso sang imbestigasyon.
Ginpahayag man sini, nga sa idalom sang motu proprio, mahimo mag-imbestiga ang National Bureau of Investigation (NBI) sa mga social media post ukon threats batok sa mataas nga mga opisyal sang gobyerno.
