ROXAS CITY – Wala pa sa karon ginadispose ang mga bulong nga nagkala-expire sang nagligad nga tuig, sa Roxas Memorial Provincial Hospital (RMPH).
Sa interview sang Bombo Radyo kay Dr. Florencio Luching, ginpahayag sini nga subject for accounting pa ang minilyon nga balor sang bulong nga nagkala-expire.
Ginsiling man sini nga bayad na ang amu nga mga bulong nga gin-request antes pa ang pandemya, apang bangud kadam-an sa mga ginpang-admit sang nagliligad nga tuig ang related sa COVID-19, madamo sang bulong nga indi para sa COVID-19 ang wala magamit tubtob nag-expire.
Dugang pa sang pinuno sang ospital nga wala naman sang dapat basulon sa pagka-expire bangud nag-comply man ini sa length sang expiration sang bulong nga kapin 2 katuig.
Sa karon, maayo lamang bangud ang mga requisition sang nagligad nga administrasyon ang nag-alabutan subong, gani nadugangan ang mga bulong sa ospital, kag tayuyon man ang ila purchasing request kun sa diin, gin-imbentaryo ang mga bulong nga may ara kag wala ang RMPH.
