Ginklaro sang Department of Health (DOH) nga indi epektibo nga proteksyon kontra sa monkeypox (mpox) ang pagsuksok sang facemask sa baylo, likawan suno sa ila ang paghalok kag paghakos agud makalikaw sa amo nga balatian.
Suno kay Dr. Albert Domingo, tigpamaba sang Department of Health, ginpahayag nga indi airborne ang mpox rason nga indi face mask ang nagapanguna nga proteksyon batuk diri.
Dugang pa sini, mahimo man nga magsuksok sang face mask ang tawo, apng kun maghalokay kag maghaksanay ang mga ini, posible nga malatnan sang amu nga balatian.
Nahibaluan nga ang mpox ang mahimo mapasa pamaagi sa physical contact, kasubong sang panit-sa-panit, pag-halok, ukon pag-hakos apisar nga wala sang sexual intercourse.
Bisan pa nga nagataas ang kaso sang mpox, ginsiling sang Department Of Health nga mas manubo ini kun I-kumpara sang 2024 kun sa diin tanan nga kaso sa pungsod ang na-categorized bilang Clade II, nga mas mild kag indi masyado makatalapon i-kumpara sa Clade 1b nga mas madasig makatapon kag suno sa ahensya wala pa sang napagkit nga kaso sa Pilipinas.
Ginpamatukan man sang DOH ang mga sala nga impormasyon hanungod sa pagpatuman sang lockdown bangud sa mpox.
