Isa ka farm sa Southampton, England ang naghatag sang pasidungog sa nagtaliwan nga legeng rock nga si Ozzy Osbourne paagi sa paghimo sang isa ka higante nga mosaic gamit ang mga kalabasa, nga nagbutang pa sang Guinness World Record.
Ang Sunnyfields Farm naggamit sang ginatos ka mga pumpkins kag mga squashes sa paghimo sang imahe ni Osbourne nga nagalab-ot sa 2,281 square feet. Bangod sini, opisyal nila nga nakuha ang Guinness World Record para sa titulo nga “largest cucurbita mosaic.”
Nahibaluan nga nagtambong man ang asawa ni Ozzy nga si Sharon Osbourne, kag ang ila anak nga babayi, nga si Kelly, sa opisyal nga pagbuyagyag sang obra sa publiko.
Ang nasambit nga pagkilala ginakabig nga selebrasyon sang kabuhi kag kontribusyon ni Osbourne, ang lead singer sang Black Sabbath, nga nagtaliwan sang Hulyo 22 sa edad nga 76.
