ROXAS CITY -Nagsabat ang pamunuan sang Filamer Christian University (FCU) angut sa ginpalab-ot nga reklamo sang pila ka mga estudyante natuhoy sa pagsukot sa ila sang nga tuition fees para second semester sa pihak sang krisis nga ginapangatubang sa karon bangud sang coronavirus disease (COVID-19).
Ginpanindugan ni Dr. Minnie Chan, Vice-President for Academic Affairs sang nasambit nga unibersidad nga indi mahimo nga indi magbayad ang mga ginikanan sang tuition fees para sa second semester bangud diri ginakuha ang ginapasweldo sa kapin 300 ka mga empleyado sang nasambit nga buluthuan.
Ginklaro man ni Chan nga nagpadayon ang klase sang amo nga unibersidad pinaagi sa Alternative Learning Mode para sa 2nd semester bisan pa nga may pandemiya kag ini ang nahimo gamit ang internet kag online lectures.
Ginpanindugan man ni Chan nga nahangpan nila ang krisis nga ginapangatubang sa karon kag wala man ginapilit ang mga ginikanan nga bayaran ang kabug-usan nila nga kulang sa tuition fees para sa 2nd semester.
