Feminist activist kag journalist nga si Gloria Steinem, nagtaliwan na sa edad nga 92

Nagtaliwan na ang kilala nga feminist activist kag journalist nga si Gloria Steinem sa edad nga 92 sa iya puluy-an sa New York City.

Si Gloria kilala sa iya adbokasiya nga naglawig sang kapin sa lima ka dekada, nga nagapakigbato sang mga kinamatarong kag pagkapatas sang mga kababayin-an.

Isa man siya ka co-founder sang Ms. nga magasin, nga nagasabat sang nagkalainlain nga mga isyu nahanungod sa mga kababayin-an.

Nangin Aktibo man siya sa pagduso para sa reproductive rights, patas nga sweldo, kag women’s rights.

Si Steinem natawo sang Marso 25, 1934, sa Toledo, Ohio, kag nagsugod sang iya karera bilang isa ka freelance journalist antes nangin isa ka prominente nga aktibista.