Nagpatigayon sang inspeksyon ang FIFA para sa mga lugar kung sa diin patigayunon ang Futsal Women’s World Cup diri sa Pilipinas bilang host.
Ini ang ginpangunahan ni Director of FIFA tournaments Jaime Yarza kag pila ka mga opisyal nga nagbisita sa Philsport Arena.
Mahibaluan nga sa Philsport Arena man ginpatigayon ang AFF Women’s Futsal Championship sadtong Nobyembre 2024.
Suno kay Yarza, madamo pa sang kinahanglan nga bag-uhon sa pasilidad kag nagasalig ini nga gilayon makay-o sang local organizing committee ang nasambit nga lugar agud mangin World Cup-level.
Ang Philsport Arena may yara sang kapasidad nga 10,000 ka mga indibidwal.
Ginpadulungan man sang FIFA ang Victorias City Coliseum sa Negros Occidental nga may capacity 8,000 ka mga indibidwal.
Nakahinala man sang FIFA ang mga local organizing committee kag ginhatag ang pila ka mga suhestiyon nga ila natipon.
Patigayunon ang FIFA Futsal Women’s World Cup 2025 sumugod Nobyembre 21 tubtob Disyembre 7.
Bilang host country, otomatiko nga kalakip ang national team sang pungsod.
