Natalana nga magtambong si Federation Internationale de Football Association (FIFA) President Gianni Infantino sa pagbukas sang 2025 Futsal Women’s World Cup sa Philippine Sports Arena subong nga weekend, suno kay Philippine Football Federation (PFF) President John Gutierrez.
Kumpleto na ang 15 foreign teams nga magapakigbahin sa 16-nation tournament, kalakip ang host nga Pilipinas sa Group A kaupod ang Poland, Morocco, kag Argentina.
Maga-umpisa ang torneo sa sambuwa sang Morocco kag Argentina las-6 sang gab-i, kasunod ang opening ceremony las-8.
Masunod nga maga-atubang ang Pilipinas kag makigsambuwa sa Poland. Mataas ang kumpiyansa sang Filipina5 matapos ang training camp sa Spain, nga ginapangunahan nanday Jaclyn Sawicki, Katrina Guillou, kag Isabella Flanigan.
Ang top two teams kada grupo ang magasaka sa knockout stage sa Disyembre 1.
