Magasugod na subong nga adlaw ang pinakadako nga edisyon sang FIFA World Cup 2026, nga pagahiwaton sa tatlo ka mga host countries sa Mexico, Canada, kag USA.
Ini man ang labing una nga World Cup nga may yara sang 48 ka teams.
Suno kay Bombo Ira Tan, International Correspondent direkta sa Mexico, pagahiwaton ang Opening sa Mexico City Stadium sa Mexico City, kon sa diin maga-atubangay ang host nga Mexico kag South Africa.
Kadungan man sang opening games may ginpangdeploy man nga masobra 400 ka mga high-level security, lakip na ang advance AI cameras, parameter control, kag drones, agud mamonitor kag malikawan ang posible nga ano man nga insidente.
Antes ang hampang, isa ka engrande nga opening ceremony ang pagahiwaton nga pagapangunahan sang mga kilala nga international kag Latin artist bilang kabahin sang selebrasyon sa pagsugod sang torneo.
Ginalauman man ang mabaskog nga suporta kag pagtutok sang minilyon ka mga football fans sa bug-os nga kalibutan sa pagsugod sang FIFA World Cup 2026.
