LOS ANGELES, USA – Ginsentensyahan sang korte sa Estados Unidos ang isa ka Filipino-American nga mag-iloy bangod sa procurement fraud kag money laundering nga naga-angot sa public school system sa Northern Mariana Islands.
Suno sa imbestigasyon, ginagamit sang mag-iloy ang ila kompanya agud magbaligya sang educational materials samtang ginatago ang conflict of interest.
Nadiskubre man sang Federal Bureau of Investigation “FBI”, nga may ginpantago nga mga dokumento para matabunan ang “ghost purchases”.
Dugang pa sa imbestigasyon ginagamit man ang kuwarta sa pagwaldas kaangay sa pagbiyahe kag pagpakaayo sang balay sa Pilipinas.
Sa karon ginsentensyahan ang iloy sang 48 ka bulan nga pagkapriso, samtang 18 ka bulan naman sa iya anak, kag ginmanduan magbayad sang danyos kag i-forfeit ang duha nila ka propedad sa Pilipinas.
