Nakuha ni Filipino Canadian nga si Leylah Fernandez ang iya kadalag-an sa iya ikaduha nga kampeonato subong nga tuig matapos ginlutos si Czech teenager nga si Tereza Valentova sa score nga 6-0, 5-7, 6-3 sa Japan Open final.
Ini na ang ika-lima nga titulo sa career sang 23-anyos nga si Fernandez kag una niya nga kadalag-an sa duha ka torneo sa amo man nga tuig.
Apisar nga may yara ini sang support wrap sa iya tuo nga hita, mahapos niya nga nakuha ang una nga set batok sa 18-anyos nga si Valentova, nga bag-o lang nakalab-ot sa WTA final.
Pagkatapos nga mabawi ni Valentova ang ikaduha nga set, nagbawi liwat si Fernandez sa ikatlo nga set agud sa katapusan makuha ang kadalag-an.
Sa pihak nga bahin, wala na makahampang ang top seed nga si Naomi Osaka matapos nga nag-atras bangud sa pilas sa tiil.
Samtang, natalana nga magpaindis-indis si Fernandez sa Pan Pacific Open sa Tokyo, sa diin atubangon niya ang kaupod niya nga Canadian nga si Victoria Mboko sa first round.
