Indi na pagdayunon sang Commission on Elections (COMELEC) ang filing sang Certificate of Candidacy (COC) para sa Barangay and Sangguniang Kabataan Elections (BSKE) nga natalana kuntani nga mag-umpisa bwas, Oktubre 1.
Sa interview sang Bombo Radyo kay Atty. Will Arceño, assistant Regional Director sang Comelec Region 6, iya ginpahayag nga pirmado na ang layi ni Presidente Ferdinand Marcos Jr., nga Republic Act 12232 sa diin himuon nga apat ka tuig ang termino sang mga opisyal kag sa Nobyembre 2026 ang mangin eleksyon kag indi sa Disyembre subong nga tuig.
Suno kay Arceño, samtang wala pa sang ginapagwa nga desisyon ang Korte Suprema sa petisyon ni Atty. Romulo Macalintal, indi anay pagdayunon ang pag-file sang COC para sa mga luyag magpadalagan sa masunod na election.
Dugang pa sang natungdan, padayon ang preparasyon sang Comelec para sa eleksyon apisar nga may yara sang postponement.
