Nagapangatubang sang kaso nga pederal sa Estados Unidos sa Amerika ang Filipina nurse practitioner nga si Marizel Yukee gikan sa Tuguegarao City bangud sa ginaalegar pagpanguna sa isa ka massive healthcare fraud scheme nga nagtuga sang halos P52 billion nga kapierdihan sa Medicare kag TRICARE programs.
Suno sa mga awtoridad sa Houston, Texas, gina-akusahan siya nga nagkunsabo sa pagsumite sang ginatos ka milyon ka dolyar sang peke nga insurance claims sa Medicare at TRICARE halin Oktubre 2023 tubtob Abril 2026.
Nagaguwa sa imbestigasyon nga ang ginaalegar sala nga claims ang nagalab-ot sa ginabanta US$906 million ukon P51.6 billion, kon sa diin ang grupo ang ginaalegar nakabaton sang US$297 million kag gingamit ini sa pag-operate sang apat ka wound-care clinics sa nagkalain-lain nga estado sa US.
Lakip man sa reklamo ang illegal kickbacks, palsipikasyon sang medical records, money laundering, kag ang ginaalegar pagbakal sang malahalon nga propiedad, samtang gin-athag man sang korte nga ginakabig pa ini nga inosente tubtob indi mapamatud-an nga guilty.
