Ginpabilib sang Filipina singer nga si Gwyneth” Gwyn” Dorado ang mga judges sang South Korean inging contest nga “Sing Again 4” sa diin nalakip sa final top four ang 22-anyos nga Pinay.
Si Gwyneth ang nagpanguna sa kompetisyon matapos makakuha sang pinakamataas nga score sa ika-12 nga episode sang programa nga ginpasalida sang Disyembre 30, 2025.
Sa isa ka video nga gin-upload, napabilib sang Pinay ang mga judges kag viewers sa iya performance sang ginkanta niya ang kanta nga “I Want You,” nga naghatag sa iya sang total score nga 789 — ang contestant nga nakakuha sang pinakamataas nga score sa episode.
Pito ka mga judges ang naghatag sa iya sang perfect score, nga nakarekord sang pinakamataas nga judges score sa kasaysayan sang kompetisyon.
Pagahiwaton ang finals sa Enero 6, sa diin mahibaluan na ang grand winner.
Samtang, una nga nakilala si Gwyn sang nagapang-edaron pa lang ini sang 10 ka tuig nga nagpasakop sa una nga season sang Asia’s Got Talent sang Marso 2015, antes ini gin-tag bilang ‘Dorado’ sa Korea.
