-- ADVERTISEMENT --
Ginpakita sang Filipina singer nga si Jeramie Sanico ang iya abilidad sa The Voice Australia matapos nga makuha ang four-chair turn bangud sa iya rendition sang “Because You Loved Me” ni Celine Dion.
Suno kay Jeramie, madugay na ini nga wala nagapasakop sa competitive singing matapos nga nagsaylo sa Australia, gani gin-ako sini nga ginkulbaan siya antes ang iya performance.
Apisar sini, gindayaw siya sang apat ka mga coach nga sanday Richard Marx, Ronan Keating, Kate Miller-Heidke kag Melanie C.
Ginpahayag ni Jeramie, nga labaw pa sa pagdaug, luyag sini nga gamiton ang kahigayunan agud mapaambit ang iya talento kag pagtuo pinaagi sa musika.
