Padayon nga naga-uswag ang career sang Filipina singer nga si Gwyn Dorado matapos siya ang nangin official theme song singer sang K-drama nga My Royal Nemesis.
Si Gwyn ang nangin kilala sa edad nga 10 matapos ini ang nagpasakop sa Asias Got Talent kon sa diin nakalab-ot ini sa grand finals kag nagtapos bilang isa sa Top 5 finalists.
Sang 2016, ginkanta man sini ang Philippine National Anthem sa ulihi nga State of the Nation Address ni former President Noynoy Aquino.
Samtang nagauswag ang iya karera, nagpirma siya sang lima ka tuig nga kontrata sa ahensya sang South Korea nga A.O Entertainment, nga nagbukas sang dalan para sa iya pagsulod sa industriya sang K-music.
Makalaigad ng Pia ka tuig, ginpaguwa niya ang mga kanta nga “What If” kag “Way” bilang kabahin sang iya debut sa Korea.
Nakalab-ot man siya sa grand finals sang South Korean singing competition nga Sing Again, kon sa diin nakabaton siya sang mataas nga boto kag pagdayaw gikan sa mga judges bangod sang iya ikasarang sa pagkanta kag pagpasundayag sa Korean language.
