-- ADVERTISEMENT --
Nakuha ni Pinay tennis star Alex Eala ang kadalag-an sa opening round sang WTA 125 Philippine Women’s Open.
Ini matapos ginlutos niya si Alina Charaeva sang Russia sa score nga 6-1, 6-2 sa hampang nga ginhiwat sa Rizal Memorial Tennis Center.
Tuman ang kalipay ni Eala kag nagpasalamat sa mga fans nga naglantaw sang iya hampang sa World number 142.
Ginpahayag man ni Eala nga indi niya mapaathag ang iya kalipay bangud madugay na sini nga ginahandum nga makahampang sa atubang sang mga Filipino fans.
Masunod nga atubangon niya ang sin-o man nga magdaug sa tunga nanday Hibino Nao kag Sakatsume Himeno.
-- ADVERTISEMENT --
