Naghatag sang makasaysayan nga kadalag-an si Pinay tennis star Alexandra “Alex” Eala sang Pilipinas kag Iva Jovic sang Estados Unidos matapos ginlutos ang mga veteran player nga sanday Venus Williams kag Elina Svitolina sa doubles match sang ASB Classic 2026 sa Auckland, New Zealand.
Sa score nga 7-6(7), 6-1, ang duha ka lamharon nga mga bata-on sa tennis nagpamatuod nga handa sila nga magpaindis-indis sa mga veteran nga mga player.
Ang ila kadalag-an nagbukas sang dalan padulong sa quarterfinals sang doubles event, nga nagserbe nga mabaskog nga pagsugod sa ila 2026 season.
Suno sa mga analyst, ang kadalag-an batok sa mga dalagku nga ngalan ang magahatag sang kumpyansa kay Eala sa iya preparasyon para sa 2026 Australian Open.
Sa kabilugan, ang ila kadalag-an nagasimbolo sang bag-o nga henerasyon sang mga humalampang nga handa sa pagpanguna sa pangkalibutanon nga tennis event.
