Magapasakop si Filipina tennis star Alex Eala sa isa pa ka international tennis tournament pagkatapos sang iya hampang sa Philippine Women’s Open.
Ang 20 anyos nga Pinay ang nakatalana nga magapasakop sa Mubadala Abu Dhabi Open, isa ka Women Tennis Association (WTA) 500 tournaments.
Ang torneo magasugod sa Pebrero 1 tubtob 7, 2026.
Pila man sa mga dalagku kag world-class tennis star ang magapaindis-indis sa torneo nga amo sanday Leylah Fernandez (Canada), Maya Joint (Australia), Victoria Mkobo (Canada), Australian Open finalist nga si Elena Rybakiba kag iban pa.
Kun balikan ang katapusan nga hampang ni Alex sa Philippine Tennis Open kahapon nga adlaw, napaslawan ini nga malutos ang iya kontra nga si Camila Osorio sang Colombian agud makasulod sa semifinals sang nasambit nga torneo.
Sa subong, si Eala ang naga-uyat sang ika-49 nga pwesto sa Women Tennis Association kag natigayon ini nga mamentinar sa sulod sang pila ka bulan.
