Liwat nga magapasakop si Filipina tennis star nga si Alex Eala sa Cincinnati Open kon sa diin maga-atubang ini sa Romanian nga si Elena-Gabriela Ruse sa Round of 64 sang torneo.
Dala ni Eala ang mataas nga kumpiyansa pagkatapos nga nakuha ang iya una nga titulo sa WTA singles sa DC Open, nga ginsundan pa gid sang iya paglab-ot sa Round of 16 sa Canadian Open.
Samtang, si Ruse yara sa ika-77 ka pwesto sa world rankings kag nakalab-ot sang career-high ranking na No. 51 sang 2022.
pinakamataas nga ranggo sa iya karera nga No. 51 sang 2022.
Ikaduha na ini nga pag-atubangay nanday Eala kag Ruse. Una sila nga nag-atubangay sa 2024 US Open qualifying tournament sa diin nagdaug si Ruse pagkatapos sang tatlo ka set nga hampang.
Luyag subong ni Eala nga ipadayon ang iya maayo nga kampanya sa professional circuit kag magdala pauli ang panibag-o nga kadalag-an sa isa sa pinakaprestihiyoso nga torneo sa Estados Unidos.
