Nagpadulong na si Filipina tennis star Alex Eala sa New York para sa iya ikaduha appearance sa US Open main draw.
Si Eala ang naga-uyat subong sang No. 20 nga pwesto sa world rankings kag mahimo nga isa ka seeded player sa women’s singles division sang prestihiyoso nga Grand Slam tournament.
Matandaan nga naghimo sang kasaysayan si Eala sang nagligad nga tuig bangud nangin pinakauna nga Pinay nga nagdaug sa singles match sa Grand Slam main draw matapos malutos si Clara Tauson sang Denmark.
Sang 2022 naman, nag-champion siya sa girls’ singles title sa US Open.
Magasulod si Eala sa kompetisyon dala ang mabaskog nga momentum gikan sa iya North American swing, nga naglakip sang pagdaug sang iya una nga titulo sa WTA sa Mubadala DC Open, subong man ang iya madinalag-on nga mga kampanya sa Canada kag Cincinnati.
Magluwas sa singles event, magapasakop man ang Filipina tennis star sa mixed doubles tournament, kon sa diin maga-team up ini sa world number four nga si Felix Auger-Aliassime sang Canada.
