Nagapreparar na si Filipina tennis star nga si Alex Eala para sa iya palaabuton nga mga torneo sa Abril, sa diin nakatalana siya nga magapasakop sa clay court tournaments sa Europa.
Si Eala, magahimo sang iya debut sa Linz Open sa Austria sa Abril 6 tubtob 12, sa main draw kaupod ang siyam ka mga humalampang gikan sa WTA Top 40.
Kasunod sini, yara man siya sa qualifying draw sang 2026 Porsche Tennis Grand Prix sa Stuttgart, Germany, halin Abril 13 tubtob 19, kag nalista man siya sa mga humalampang para sa Mutua Madrid Open nga hiwaton halin Abril 21 tubtob Mayo 3.
Apang, mahimo pa mabag-o ang listahan sang mga humalampang sa Stuttgart kag Madrid depende sa draw sang torneo.
Nahibaluan nga nakasulod si Eala sa European clay season pagkatapos sang mabaskog nga performance sa 2026 Miami Open, sa diin nakalab-ot siya sa ikaapat nga round.
