Nagbalik na sa Estados Unidos sang Amerika si Pinay tennis star Alex Eala agud sugdan ang preparasyon para sa hard court season kasunod sang isa ka semana nga pagtinir sa Manila para sa nagkalain-lain nga aktibidad, lakip na ang meet-and-greet events kag pagbisita sa Malacañang.
Ang Filipina tennis star ang nakatalana nga una nga magapasakop sa Mubadala Open sa Washington, D.C. sa masunod nga semana, kon sa diin isa siya sa mga seeded players sa singles competition. Magaupod man sia sa anay Grand Slam champion nga si Venus Williams sang USA para sa doubles event.
Nagapabilin naman nga nakatutok si Eala sa iya kampanya kag padayon ang iya training para nasambit nga hampang.
Ginpahayag man niya nga mas gusto niya nga kuhaon ang tagsa ka hampang sang isa-isa sangsa maghimo sang bisan ano nga prediksyon.
