Nakuha ni Filipinas tennis star Alex Eala ang iya una nga titulo sa Women’s Tennis Association (WTA) matapos nga ginlutos si Panna Udvardy sang Hungary, sa score nga 1-6, 7-5, 6-3, sa Guadalajara 125 Open final sa Mexico.
Ang 20-anyos nga si Eala, ang nagaisahanon nga seeded player nga nabilin sa draw, nagpabilin nga kalmado agud masiguro ang kadalag-an sa pagbalik.
Ang kadalag-an sang Pinay tennis star, nagserbe man nga bayad sa iya pagkalutos sa world No. 134 Udvardy sa Round of 16 sang Oeiras Ladies Open sang Abril.
Ginakabig man ang WTA 125 series nga pinakamataas nga lebel sa women’s tennis sa idalom sang mayor nga WTA Tour, nga nagalakip sang apat ka Grand Slams, WTA Finals, WTA 1000, WTA 500, kag WTA 250 nga mga events.
Sunod nga magahampang ang Filipina player sa Sao Paulo Open sa Brazil.
