Nagnubo ang world ranking sang Filipina tennis player nga si Alex Eala matapos ang iya Round of 16 exit sa Miami Open 2026.
Napaslawan ang Eala nga masulit ukon makalampuwas sa semifinals appearance sang 2025, gani nadula ang mga nauna nga puntos nga nagdugang sa iya ranking.
Nadulaan man siya sang 270 points bangod sini.
Base sa opisyal nga singles ranking sang Women’s Tennis Association (WTA) sang Marso 30, si Eala ang yara sa rank no. 45.
Ini ang manubo sang 16 ka pwesto gikan sa career-high nga no. 29 nga iya nalab-ot duha ka semana na ang nakaligad.
Ini ang ginakabig nga pinakadako nga pagnubo sang WTA rankings ni Eala subong nga semana.
Liwat nga magapaindis-indis si Eala sa masunod nga mga kompetisyon sa Clay Season nga magasugod sa Abril, sa diin ginalauman nga makabawi ini kag makapataas liwat sang iya world ranking.
