Nagtakop na ang kampanya ni Filipina tennis star Alex Eala sa WTA 125 Philippine Women’s Open.
Ini matapos nga napaslawan siya nga mapierde si Camila Osorio sang Colombia sa score nga 6-4, 6-4 sa quarterfinals nga ginhiwat sa Rizal Memorial Sports Complex.
Una nga nagpanguna si Eala sa score nga 3-2 batok sa World number 33 apang wala sini makontrol ang kadasigon sang Colombian tennis player.
Pagsulod sa ikaduha nga set, ang World number 49 nga si Eala ang nagapanguna gihapon sa 3-2 tubtob nga nagbayluhanay sila sang puntos kag nagtabla ang hampang sa 4-4.
Wala na ginhatagan pa sang tsanan ni Osorio si Eala kag gintapos na ang hampang.
Apisar nga naghinulsol ang 20 anyos nga si Eala sa pagkalutos sini, nalipay man siya bangud nakahampang siya sa atubang sang mga Filipino fans.
