-- ADVERTISEMENT --
Natapos na ang kampanya ni Pinay tennis star nga si Alex Eala sa Pan Pacific Open sa Japan.
Ini matapos nga napierde siya sa quarterfinals ni Diana Shnaider nga may score nga 2-6, 7-(6), 6-4.
Sa una nga set, nagdominar ang Russian tennis player kag pagsulod sa ikaduha nga set, nakabawi ang Pinay tennis star.
Sa third set, gintinguhaan ni Eala nga magdaug sa hampang apang nangin tuman ka agresibo ang Russian tennis star.
Ini ang ikaduha nga sunod-sunod nga kapierdihan ni Eala kay Shnaider nga una nga naglutos sa iya sa Ningbo Open.
-- ADVERTISEMENT --
Ginalauman nga magabawi si Eala sa masunod nga semana bangud sa iya partisipasyon sa WTA 250 Hong Kong Open nga amo ang iya katapusan nga WTA tournament subong nga tuig.
