Natalana nga magbalik ang Pinay tennis star nga si Alex Eala sa Mutua Madrid Open sa Spain matapos ang sunod-sunod nga kapierdihan sa iya kampanya sa clay-court.
Si Eala ang magapaindis-indis sa iya ikatlo nga clay tournament nga magasugod sa Abril 21, 2026.
Tuyo sini nga makabawi matapos malutos sa Linz Open kag Stuttgart Open.
Sa Stuttgart Open, napierde ang Eala sa Filipina-Canadian player nga si Leylah Fernandez sa score nga 1-6, 4-6.
Sa pihak nga bahin, gindayaw naman sang kampo ni Fernandez ang determinasyon ni Eala pag-abot sa hampang, ilabi na sa paglagas sini sa ikaduha nga set.
Nahibaluan nga ang Madrid Open ang ginakabig nga isa sa pinakadako nga Women’s Tennis Association 1000 tournaments sa clay, sa diin tuyo ni Eala nga makabawi kag makabalik sang iya maayo nga posisyon.
