-- ADVERTISEMENT --
Padayon ang preparasyon ni Pinay tennis star Alex Eala sa iya pagbalik sa US Open sa New York.
Sa video nga ginpagwa sang US Open, makita ang 21 anyos nga Pinay nga nagapraktis sa Arthur Ashe Stadium kaupod ang iya coach nga si Joan Bosch.
Si Eala ang yara subong sa world No. 20 kag ginalauman nga mangin isa ka seeded player sa torneo kasunod sang padayon sini nga pagsaka sa rankings.
Magluwas sa women’s singles, magapasakop man siya sa mixed doubles kaupod ang Canadian player nga si Felix Auger-Aliassime.
Magasugod naman ang main draw sang US Open sa Agosto 30, kon sa diin nagalaum si Eala nga mapadayon ang iya maayo nga performance pagkatapos sang madinalag-on nga kampanya sang 2025.
-- ADVERTISEMENT --
