Filipina tennis star Alex Eala, posible nga indi makahampang sa Asian Games bangud sa WTA rule

Posible nga indi makakuha sang exemption sa WTA ang Filipina tennis star nga si Alex Eala agud makapasakop sa Asian Games sa Nagoya, Japan.

Ini matapos ginbasura sang WTA ang kaangay nga request sang Indonesian player nga si Janice Tjen.

Nagsumiter man sang exemption request ang Philippine Tennis Association para kay Eala, apang wala pa sang desisyon ang WTA.

Natalana nga magasugod sa Setyembre 27 tubtob Oktubre 3 ang Asian Games kag ang WTA 1000 China Open magasugod Setyembre 30 tubtob Oktubre 11.

Sa tion nga mag-absent nga wala sang exemption, mahimo nga zero-point penalty si Eala kag multahan sang 10,000 dollars ukon masobra P626, 000.

Sa pihak sini, ginapahayag nga handa si Eala nga atubangon ang penalty agud makahampang para sa Pilipinas.