Matapos ang makasaysayan nga kampanya ni Pinay tennis star Alex Eala sa 2026 Wimbledon Championships, natalana siya nga mangin isa ka seeded player sa prestihiyoso nga National Bank Open sa Toronto, Canada.
Bangod sang iya pagsaka sa world rankings, makabaton si Eala sang first-round bye sa WTA 1000 tournament, nga magasugod sa Agosto 2 tubtob 13.
Antes ang Toronto, una nga magapasakop si Eala sa Mubadala DC Open sa Washington halin Hulyo 27 tubtob Agosto 2, bilang kabahin sang iya pagbalik sa hard-court season pagkatapos sang tatlo ka semana nga pahuway.
Nahibaluan nga ang National Bank Open isa sa pinakadaku nga torneo sa womens tennis sa guwa sang apat ka Grand Slam, nga nagaganyat sang mga pinakamataas nga mga humalampang.
Ang iya partisipasyon bilang isa ka seeded player sa Toronto ginalauman nga magapabakod pa gid sang iya reputasyon bilang isa sa mga rising stars sang women’s tennis.
