Liwat nga nagpakita sang makatilingala nga abilidad ang Filipina tennis star nga si Alex Eala matapos makasulod sa finals sang 2026 Hong Kong Tennis Open nga nagamarka sang iya ikaduha nga professional circuit final subong nga tuig.
Ang iya karera nakakuha sang isa pa ka kadalag-an pagkatapos niya ginlutos ang world No.9 nga si Maria Sakkari sang Greece sa score nga 7-5, 3-6, 6-4.
Apisar sang narekord nga delay sang panahon sa tunga-tunga sang hampang, nagpakita sang mabaskog nga determinasyon si Eala nga dulaon ang pagkadismaya sa ikaduha nga set kag magdaug batok sa kilala nga humalampang gikan sa Women’s Tennis Association (WTA) Tour.
Ang ini nga makasaysayan nga kadalag-an batok kay Sakkari ang ginakabig nga pinakamaayo nga kadalag-an sang Pinay tennis star tubtob subong nga labi nga nagpataas sang iya profile sa international stage.
Natalana naman nga atubangon ni Eala si American tennis player nga Claire Liu nga sa subong kabahin sang top 100 sa bug-os nga kalibutan para sa ginahandum nga korona sa Hong Kong.
