-- ADVERTISEMENT --
Sulod na sa Jingshan Open Quarterfinals si Eala matapos ginlutos si Mei Yamaguchi sang Japan.
Bangud sang kadalag-an, nakalab-ot na sa final eight ang Filipina star sa tatlo ka sunod-sunod nga torneyo, lakip na ang São Paulo kag Guadalajara.
Nagtinguha pa nga makalab-ot sa ikaduha nga set ang World number 268 nga Japanese player apang wala nag-untat si Eala kag sa ulihi dalayon na nga nakuha ang kadalag-an.
Masunod nga atubangon ni Eala ang 35-anyos nga si Jia-Jing Lu, world ranked number 349 sang china.
