Filipina tennis star Alex Eala, sulod na sa quarterfinals sang 2025 Suzhou Tennis Open matapos malutos si Greet Minnen sang Belgium

Sulod na sa quaterfinals sang 2025 Suzhou WTA 125 si Pinay tennis star Alex Eala matapos malutos si Greet Minnen sang Belgium sa iskor nga 7-6(5), 6(3)-7, 7-5.

Isa ini ka daku nga pagpanghangkat para sa world number 58 nga si Eala bangud naglawig sang tatlo ka oras kag 18 minutos ang hampang.

Sa katapusan nga set, kontrolado ni Eala ang hampang bangud nagapanguna siya sang 3-0 tubtob nga naabtan siya ni Minnen.

Ini na ang ikaduha nga sunod-sunod nga tatlo-set nga kadlag-an ni Eala matapos niya  nga ginpierde si Katarzyna Kawa sang Poland sa score nga 6-3, 3-6, 7-5.

Masunod nga maatubang ni Eala si Viktorija Golubic sang Switzerland sa Biyernes.