-- ADVERTISEMENT --
Napaslawan ang Filipina tennis star nga si Alex Eala nga makuha ang iya ikaduha nga titulo sa WTA matapos napierde sa American player nga si Claire Liu, 3-6, 0-6, sa final sang Hong Kong Open.
Sa una nga set nangin dikit ang ila hampang tubtob nga nakuha ni Liu ang kadalag-an.
Posible nga nakaapekto sa kondisyon ni Eala ang sunod-sunod nga hampang, lakip na ang madugay nga semifinal match kontra kay Maria Sakkari.
Nagpangayo man sang medical timeout si Eala matapos naka-eksperyensya sang problema sa iya tuo nga paa, apang ginpadayon niya ang hampang.
Apisar sang pagkalutos, ginpanginbulahan ni Eala si Liu sa iya una nga titulo sa WTA kag ginpasalamatan ang iya mga fans sa ila padayon nga suporta.
-- ADVERTISEMENT --
