-- ADVERTISEMENT --
Hawid na sang Pinay tennis star nga si Alexandra “Alex” Eala ang ika-49 nga pwesto sa Women’s Tennis Association (WTA) ranking.
Ini ang panibag-og nga career-high nga ranking sa patag sang tennis.
Ang bag-o nga ranking ang kasunod sang iya kampanya sa ASB Classic sa Auckland, New Zealand.
Sa nasambit nga tournament, ang Pinay tennis player nakalab-ot sa semifinals, nga may impresibo nga kadalag-an sa nagligad nga elimination rounds, pareho sang kadalag-an batok sa pito ka beses nga Grand Slam singles champion nga si Venus Williams sa doubles category.
Natalanan naman nga magapasakop si Eala sa Kooyong Classic kag sa Australian Open sa Melbourne subong nga semana.
-- ADVERTISEMENT --
