Ginpakigbahin sang Filipino-American comedian nga si Jo Koy nga ini ang naluwas matapos nga mag-emergency landing ang ginsakyan sini nga eroplano sa Japan.
Halin sa Pilipinas padulong sa Los Angeles ang komedyante kaupod ang pamilya sang mag-angkon sang problema ang ginsakyan nga eroplano.
Sa social media account sini, ginsaysay ang natabo kun sa diin samtang yara sa kasagsagan sang flight hinali lang nga napuno sang aso ang bug-os nga cabin bangud sa problema sa electric connection.
Gindayaw sini ang Philippine Airlines bangud sa nangin kalmado ang mga staff kag madasig nga nasolusyonan ang problema.
Dugang pa sini nga gilayon sila nga ginsaylo sa iban nga eroplano padulong sa Los Angeles.
Ginpasalamatan sini ang mga fans nga nagpahayag sang suporta kag nagpangumusta sa iya nga kahimtangan.
