-- ADVERTISEMENT --
Nakaangkon sang liwat nga kadalag-an ang Filipino artistic gymnast nga si Karl Eldrew Yulo matapos makuha ang bronze medal sa horizontal bar finals sang 2025 Artistic Gymnastics Junior World Championships.
Naka-iskor siya sang 13.900 points sa iya routine nga sang ulihi ginpataas sa 14.000 points bangod sang stick landing bonus.
Ini na ang ikaduha nga bronze medal nga nakuha ni Yulo sa amo nga torneo matapos nga nagdaug man sa floor exercise finals sang nagligad nga Sabado.
Bisan pa wala siya nakakuha sang medalya sa vault finals, ginbawi niya ini sa horizontal bar kag liwat nga nagdala sang kadungganan sa pungsod.
