-- ADVERTISEMENT --
Nagpang-agda ang Filipino-Chinese Chamber of Commerce sa publiko nga magtambong kag makigbahin sa selebrasyon sang Chinese New Year sa Roxas City.
Sa interview sang Bombo Radyo kay Ronald So, Presidente sang nasambit nga organisasyon, iya ginpahayag nga bukas ang okasyon sa tanan nga gusto makig-upod sa pagselebrar sang bag-ong tuig kag pagpakita sang pag-isa sang komunidad.
Suno kay So, ang selebrasyon indi lamang para sa Filipino-Chinese community kundi para sa bug-os nga komunidad agud mapabaskog ang relasyon, kultura kag pagbinuligay sa isa kag isa.
Nahibaluan nga nag-umpisa na ang Capiz Provincial Government sa pagselebrar sang Chinese New Year kag magalawig tubtob sa Pebrero 20.
