ROXAS CITY – Indi upang ang pagtrabaho sa muslim country para indi maselebrar ang Easter Sunday ukon Linggo sang Pagkabanhaw ni Hesus.
Ini ang naging pahayag ni Raquel Jeroso sang Barangay Mangoso, Sigma, Capiz nga nagatrabaho sa karon sa Satwa, Dubai, UAE sa sulod sang 13 ka tuig.
Suno kay Jeroso kalakip sa selebrasyon sang Filipino Community sa pito ka mga emirates sa UAE nga ginatambungan sang mga Pilipino ang pagpatigayon sang misa kagprosesyon sa bisinidad sang simbahan.
Samtang suno naman kay Jeroso nag agud mas magbaskog ang iya pagtuo sa Diyos wala sini ginakalimtan ang pagbisita sa simbahan adlaw adlaw antes sugaton ang ginabantayan nga bata sang iya employer.
Nahibaluan nga madamo nga mga Pinoy ang nagatambong sa evening mass pagkatapos sang ila nga trabaho.
