ROXAS CITY – Ginsaysay sang mga mangingisda ngaFilipino kag Indonesian national kun paano sila nakaluwas sa katalagman matapos nawasak sang narumpag nga tulay sa Taiwan, ang tatlo ka fishing boats nga may sakay nga 20 ka migrant fishermen.
Gindetalye sang ba-o lamang nakaguwa sa ospital nga Pinoy fisherman nga si John Vicente Royo 37-anyos kag residente sang probinsiya sang Romblon nga maswerte nga nakalumpat bangud natabuan nga may ginahimo ini sa ibabaw sang sakayan pangisda sang hinali nga narumpag ang tulay.
Suno kay Royo nga tuman ka dasig sang mga hitabo bangud segundo lamang ang nagligad nawasak na ang mga fishing boats kag madamo ang pilason nga mga mangingisda.
Wala man mapunggan ni Royo nga mangin emosyunal at nagpapasalamat sa Diyos, bangud nakaluwas ini sa diin una nga nagsulod sa iya pinsar matapos nga maluwas sang nagresponde nga mangingisda ang tatlo ka mga anak sa Pilipinas.
Nahibaluan nga nadula ang tanan nga personal nga gamit ni Royo kalakip ang iya nga passport, wedding ring kag cash savings nga nagalab-ot sa 10,000 New Taiwan Dollar ukon $968 US dollar.
Samtang suno naman sa Indonesian national nga si Miswan sang Central Java, Indonesia, ginbutong ini paguwa sa iya bangkay nga malapit lamang sa pier sa diin narumpag ang tulay.
