Nagdaug ang Filipino mixed martial arts (MMA) fighter nga si Lito Adiwang paagi sa technical knockout (TKO) batok sa Argentinian striker nga si Mauro Mastromarini.
Indi nangin mahapos ang kadalag-an sang Pinoy fighter matapos una nga nagpaguwa sang kombinasyon ang Argentinian MMA fighter sa pagsugod sang first round.
Ang pila sa mga kombinasyon nga iya ginpaguwa konektado sa lawas ni Adiwang, lakip ang kick-punch combo, pila ka segundo antes ang Knockout.
Bangud sa kadalag-an, ang ginatawag nga ‘Thunderkid’ ang nagahupot karon sang apat ka kadalag-an sa idalum sang One Championship samtang ang iya kapierdihan nagapabilin sa duha.
Para sa Argentinian fighter, wala pa ini sang daug sa isa ka away sa One Championship sa iya duha ka away sa nasambit nga combat sports league.
