-- ADVERTISEMENT --
Plano sang Filipino Olympic gold medalist nga si Hidilyn Diaz nga magtuon sang sports management kag sports business sa Europe.
Suno kay Diaz, tuyo niya nga makatuon kag makabulig sa mas madamo nga mga Pilipino labi na sa patag sang hinampang.
Nagalaom siya nga pinaagi sa iya matun-an, mas mapalapnag pa niya ang pagbulig kag paggiya sa mga bag-o kag lamharon nga atleta sa Pilipinas.
Nalipay man si Diaz nga padayon nga nagasanyog ang weightlifting sa pungsod kag luyag niya nga mas mapalapad pa ang ihibalo kag interest sang mga Pilipino sa sini nga sport.
Sa subong, nagatudlo si Diaz sang weightlifting sa University of the Philippines bilang kabahin sang iya padayon nga suporta sa mga atleta.
-- ADVERTISEMENT --
