Nagpanguna ang Filipino pole vaulter nga si EJ Obiena sa mga atleta nga magapasakop sa World Athletics Indoor Championships nga pagahiwaton sa Poland.
Ginpahayag sini nga nagpreparar siya para sa nasambit nga torneo matapos nga wala makapasakop sang nagligad nga tuig bangud napaslawan ini nga maka-qualify.
Nagapati ini nga mahimo siya magmadinalag-on subong nga tuig matapos nga magpreparar sa nasambit nga kompetisyon.
Nahibaluan nga bag-o lang nakabalik si Obiena halin sa ISTAF Indoor sa Berlin kun sa diin nagdaug ini sang gold medal.
Kadungan sini, gin-anunsyo sang Philippine Athletics Track and Field Association nga kaupod ni Obiena ang World number 12 pole vaulter nga si John Cabang Tolentino nga magapasakop sa 60 meters hurdles samtang magapasakop naman sanday Jessica Laurance kag Zion Corrales Nelson sa 60 meter dash.
